1. ທີ່ຕັ້ງພູມສັນຖານ, ທ່າແຮງ ແລະ ຈຸດພິເສດຂອງແຂວງ ຫຼວງນ້ຳທາ.
- ແຂວງຫຼວງນໍ້າທາເປັນແຂວງນ້ອຍ, ຕັ້ງຢູ່ພາກຕາເວັນຕົກສ່ຽງເໜືອຂອງ
ສປປ ລາວ, ມີເນື້ອທີ່ທັງໝົດ 9.325 km2,ໃນນີ້ 85% ເປັນເຂດພູດອຍ
ແລະ 55% ເປັນເຂດປ່າໄມ້ປົກຄຸມ, ມີຊາຍແດນຕິດກັບແຂວງບໍ່ແກ້ວ,
ແຂວງອຸດົມໄຊ ແລະ ຕິດກັບ ສປ. ຈີນ 140 km,ຕິດກັບມຽນມ້າ 130km,
ທົ່ວແຂວງປະກອບມີ 5 ເມືອງ, ມີພົນລະເມືອງ 162.747 ຄົນ, ສະເລ່ຍ
ຄວາມໜ້າແໜ້ນຂອງປະຊາກອນແມ່ນ 17 ຄົນ/km.
- ທ່າແຮງຂອງແຂວງຫຼວງນໍ້າທາ ແມ່ນປະຊາຊົນບັນດາເຜົ່າ, ມີມູນເຊື້ອສາມັກຄີ
ແລະ ດຸໜັ່ນ ໃນການສ້າງສາພັດທະນາ. ດິນຟ້າອາກາດເໜາະສົມແກ່ການ
ປູກຝັງ - ລ້ຽງສັດ, ມີແມ່ນໍ້າຫຼາຍສາຍສາມາດກໍ່ສ້າງຊົນລະປະທານ ແລະ
ເຂື່ອນໄຟຟ້າຂະໜາດນ້ອຍ, ຂະໜາດກາງ, ມີຊັບພະຍາກອນທຳມະຊາດ ແລະ
ຊີວະນາໆພັນທີ່ອຸດົມສົມ ບູນ, ມີແຫຼ່ງທ່ອງທ່ຽວທຳມະຊາດ ແລະ ວັດທະນາ
ທຳ, ມີສະໜາມບິນພາຍໃນ, ມີດ່ານສາກົນ, ດ່ານທ້ອງຖິ່ນ ແລະ ເປັນແຂວງ
ທາງຜ່ານເຊື່ອມຕໍ່ອານຸພາກພື້ນ.
- ໄປພ້ອມໆກັບຂໍ້ສະດວກທີ່ກ່າວມານັ້ນ, ພວກເຮົາຍັງມີຂໍ້ຫຍຸ້ງຍາກ ແລະ
ສິ່ງທ້າທາຍບໍ່ໜ້ອຍ, ເປັນຕົ້ນແມ່ນເປັນແຂວງພູດອຍ, ລະດັບຄວາມຮູ້, ຄວາມ
ສາມາດຂອງ ພະນັກງານ ແລະ ປະຊາຊົນຍັງຕໍ່າ, ພື້ນຖານການຜະລິດຍັງ
ອ່ອນນ້ອຍ, ເປັນແຂວງທຸກຍາກ, ທຶນຮອນຍັງຈຳກັດ.
2. ເສດຖະກິດຂອງແຂວງ.
- ເສດຖະກິດຂະຫຍາຍຕົວຕໍ່ເນື່ອງໃນລະດັບ 8,3%, ສະເລ່ຍລາຍຮັບ
ຕໍ່ຫົວຄົນໄດ້ 868$, ປີ 2011 ໄດ້ 815$.
- ການຜະລິດເປັນສິນຄ້າຈະແມ່ນລ້ຽງສັດ ແລະ ປູກພືດ ລ້ວນແຕ່ຂະ
ຫຍາຍຕົວດີ, ອັນເດັ່ນກ່ວາໝູ່ແມ່ນປູກຢາງພາລາ, ປະຈຸບັນເນື້ອທີ່ສວນຢາງ
ພາລາມີ 30ພັນກ່ວາ ເຮັກຕາ, ປີ 2012 ນີ້ປາດຢາງໄດ້ 3950 ໂຕນ.
- ພື້ຖານໂຄງລ່າງໄດ້ຮັບການປັບປຸງ ແລະ ກໍ່ສ້າງສໍາເລັດຕາມຄາດໜາຍ
ເຊັ່ນວ່າ: ໂຄງການໂຮງຮຽນມັດທະຍົມສົມບູນເທດສະບານແຂວງ,ໂຮງຮຽນປະ
ຖົມສົມບູນ ບ້ານ ອຸດົມສີນ, ເມືອງ ຫຼວງນໍ້າທາ,ສະໂມສອນເມືອງຫຼວງນໍ້າທາ,
ຫ້ອງການກອງພັນ 418, ຫ້ອງການທະຫານເມືອງລອງ, ກອງຮ້ອຍເຄື່ອນທີ່,
ສະຖານີວິທະຍຸ FM ເມືອງ ສິງ, ຫ້ອງການຍຸຕິທຳເມືອງສິງ, ເມືອງ ວຽງພູຄໍາ,
ຮ່ອງລະບາຍນໍ້າ, ປະຈຸບັນມີເສັ້ນທາງລົດເຂົ້າໄປເຖິງບ້ານກວມ 92,7%
ຂອງຈຳນວນບ້ານໃນທົ່ວແຂວງ, ຄອບ ຄົວທີ່ ໄດ້ນຳໃຊ້ໄຟຟ້າກວມ 86%
ຂອງຄອບຄົວໃນທົ່ວແຂວງ, ປະຈຸບັນພວມກໍ່ສ້າງເສັ້ນທາງ 4 ເລນຈາກເທດສະ
ບານແຂວງ ຫາ ສະໜາມບິນ,ຫ້ອງການພະແນກການເງິນ ແຂວງ, ຫ້ອງການ
ຊາວໜຸ່ມແຂວງ, ໂຮງຮຽນມັດທະຍົມສົມບູນ ຢູ່ ເມືອງສິງ, ເມືອງນາແລ, ຫ້ອງ
ການ ປກສ ເມືອງສິງ, ຊົນລະປະທານນໍ້າມະອຸ່ນ, ນໍ້າຢະ ເມືອງສິງ ແລະ
ໂຄງການອື່ນໆ ອີກ.
- ໄດ້ນໍາໃຊ້ໂທລະສັບຕັ້ງໂຕະ ແລະ ມືຖືກວມ 91% ຂອງຈຳນວນບ້ານ
ໃນທົ່ວແຂວງ.
- ລຶບລ້າງຄອບຄົວທຸກຍາກໄດ້ 1.520 ຄອບຄົວ,ມີຄອບຄົວພົ້ນທຸກ 22.671
ຄອບຄົວ ກວມ 74,80% ແລະ ຍັງມີຄອບຄົວທຸກຍາກ 7.636 ຄອບຄົວ,ກວມ
25,20% ຂອງຄອບຄົວໃນທົ່ວແຂວງ. |
